Return to Knowledge Base

ທະນີແກ້ມຂາວ / White-checked Crested Gibbon

Cite
ການນຳໃຊ້
ອາຫານ
ຊື່ວິທະຍາສາດ / ຕະກຸນ
Nomascus leucogenys (Ogilby, 1840) /Hylobatidae
ຊື່ພ້ອງ
Hylobates leucogenys (Ogilby, 1840)
ຊື່ອື່ນ
ຊື່ສາມັນ: White-checked Crested Gibbon.
ໄທ: ຊະນີແກ້ມຂາວ
ສະຖານະພາບການອະນຸລັກ
Critically Endangered
ພັນລະນາລັກສະນະສັນຖານ

ຫົວ ແລະ ລໍາໂຕຍາວ 74-89 ຊມ, ບໍ່ມີຫາງ. ໂຕຜູ້ມີຂົນປົກຄຸມເປັນສີດໍາລວມທັງເອິກທີ່ເປັນສີດໍາ, ແກ້ມມີສີຂາວ ແລະ ສີເຫຼືອງຈືດຕັດກັນຢ່າງຈະແຈ້ງ. ໂຕແມ່ປົກກະຕິຈະມີວົງອ້ອມໜ້າສີຂາວບາງໆ, ແຕ່ປົກກະຕິຂົນແກ້ມຈະມີສີຈາງກວ່າສີຂອງຄໍ ເຊິ່ງຂົນຂອງແກ້ມນີ້ຈະບໍ່ຕັ້ງອອກທາງຂ້າງ.

ອຸປະນິໄສ: ເປັນສັດຫາກິນກາງເວັນຕາມຕົ້ນໄມ້ ແລະ ກິນໝາກໄມ້ເປັນອາຫານ.

ສຽງຮ້ອງ: ສຽງຂອງໂຕຜູ້ປະກອບດ້ວຍສາມສຽງທີ່ແຕກຕ່າງກັນ ແລະ ຮ້ອງອອກເປັນສາມໄລຍະຄືກັນກັບທະນີດໍາ ສຽງທໍາອິດເປັນສຽງປັບຫຼາຍແບບເປັນໄລຍະຍາວທີ່ມີຄວາມຖີ່ສະໝໍ່າສະເໝີໃນໄລຍະເລີ່ມຕົ້ນ, ມີການປ່ຽນຄວາມຖີ່ໄວໃນສຽງທີສອງ ຫຼື ສຽງທີສາມ. ມີແຕ່ໂຕແມ່ເທົ່ານັ້ນທີ່ຮ້ອງສຽງດັງ. ການຮ້ອງສຽງດັງຂອງໂຕແມ່ນີ້ແມ່ນຈະຄືກັນກັບສຽງຮ້ອງຂອງທະນີດໍາ ແຕ່ປົກກະຕິຈະໄວກວ່າ ແລະ ມີຫຼາຍສຽງກວ່າ, ປົກກະຕິມີ 8-18 ໃນ N. siki ແລະ ປະມານ 15-30 (ຈົນຮອດ 39) ໃນ N. leucogers

ຖິ່ນອາໄສ: ປ່າດົງດິບໃນຫຼາຍລະດັບພາກເໜືອ, ພາກກາງລົງມາຮອດພາກໃຕ້ເຖິງເຂດພູພຽງບໍລິເວນ. ພົບເຫັນແຕ່ໃນພາກຕາເວັນ ອອກຂອງແມ່ນໍ້າຂອງເທົ່ານັ້ນ.

ບັນຍາຍການນຳໃຊ້

    ສັດຫວງຫ້າມທີ່ມີຄວາມສ່ຽງໃກ້ສູນພັນສູງ.

ເອກະສານອ້າງອີງ / ການອ້າງອີງ
ຈອຫ໌ນ ພາຣ໌, ກະມົນ ໂກມົນຜະລິດ ແລະ ມົງຄົນ ວົງກາລາສິນ. (1999). ສັດລຽງລູກດ້ວຍນ້ຳນົມໃນປະເທດລາວ. ກົມປ່າໄມ້, ກະຊວງກະສິກຳ ແລະ ປ່າໄມ້.
Harding, L.E. (2011). Nomascus leucogenys (Primates: Hylobatidae). mammalian species 44(890):1-15.
Syxaiyakhamthor, K., Ngoprasert, D., Asensio, N., Savini, T. (2020). Identifying priority areas for the conservation of the Critically Endangered northern white-cheeked gibbon Nomascus leucogenys in northern Lao. K. Syxaiyakhamthor et al, 54(6): 767–775.
Jia, T., Zhao, S., Knott, K., Li, X., Liu, Y., Li, Y., Chen, Y., Yang, M., Lu, Y., Wu, J., Zhang, Ch. (2018). The gastrointestinal tract microbiota of northern whitecheeked gibbons (Nomascus leucogenys) varies with age and captive condition. Scientific Reports, 8:3214.
ຜູ້ຮ່ວມມືໃນການສ້າງ
Duangkhae KEONOY
ການປະກອບສ່ວນ