Return to Knowledge Base

ຜັກກູດກັບແກ້ / Selaginella

Cite
ການນຳໃຊ້
ອາຫານ
ສີນຄ້າ
ຊື່ວິທະຍາສາດ / ຕະກຸນ
Selaginella argentea (Wall ex. Hook & Grew) Spring / Selaginellaceae
ຊື່ພ້ອງ
Lycopodium argenteum Wall. ex Hook. & Grev.
ຊື່ອື່ນ
ຊື່ໄທ: ຜັກກັບແກ້, ຜັກກູດແຜງ ແລະ ພໍ່ຄ້າຕີເມຍ.
ບັນຍາຍລັກສະນະພືດສາດ

ເປັນກຸ່ມທີ່ຄ້າຍຄືຜັກກູດ. ມີເຫງົ້າໃຕ້ດິນ ແລະ ລຳຕົ້ນໜ້າດິນ, ຮູບກົມ, ຍາວ 10-15 ຊມ, ມີເກັດປົກຄຸມທົ່ວລຳຕົ້ນ, ສີຂຽວ. ໃບດ່ຽວ, ຈັບກົງກັນຂ້າມສອງແຜ່ນຮຽງສະຫຼັບຕັ້ງສາກ, ຕິດແນບກັບລຳຕົ້ນ, ໃບມີ 2 ແບບຄື: ໃບຄູຂ້າງຮູບຮີ, ຮູບໄຂ່ ຫຼື ຮູບຂອບຂະໜານ, ໂຄນໃບມົນ ຫຼື ຮູບຫົວໃຈ, ຂອບລຽບ ຫຼື ເປັນແສກແຂ້ວເລື່ອຍ, ສີຂຽວ, ຄູ່ກາງຮູບສາມຫຼ່ຽມ ຫຼື ຮູບໄຂ່, ໂຄນໃບຕັດ, ຂອບແສກແຂ້ວເລື່ອຍ, ປາຍຮຽວແຫຼມ, ສີນ້ຳເງິນ. ກຸ່ມຖົງສະປໍຈັບຢູ່ປາຍກິ່ງ ຫຼື ປາຍຍອດ.

ບັນຍາຍການນຳໃຊ້

ເປັນອາຫານ: ຍອດອ່ອນນຳມາເຮັດແກງໄດ້ຫຼາຍແບບເຊັ່ນ: ນຳມາແກງໃສ່ຕາພິດປ່າ, ແກງສົ້ມ, ໃສ່ແກງໜໍ່ໄມ້, ແກງເຫັດນາງລົມ, ໃສ່ແກງເຫັດລົມ, ໃສ່ປາແຫ້ງ ແລະ ນຳມາແກງລວມໄດ້ ຫຼື ຫຼວກກິນກັບແຈ່ວ. ເຊິ່ງຍອດຜັກພໍ່ຄ້າຕີເມຍຈະມີຄຸນຄ່າທາງດ້ານໂພສະນາການ ແລະ ສານອາຫານຫຼາຍຢ່າງເຊັ່ນ: ທາດເຫຼັກ, ໂພແທັກຊຽມ, ຟອສຟໍຣັສ ແລະ ແຄລຊຽມຂ້ອນຂ້າງສູງ. ນອກຈາກນີ້ແລ້ວຍັງປະກອບມີວິຕາມິນບີ, ວິຕາມມິນຊີ ແລະ ປະລິມານ ຂອງແອນຕີອັອກຊີເດັນຈຶ່ງ ມີປະໂຫຍດແກ່ຮ່າງກາຍ.

ເປັນສິນຄ້າ: ປະຊາຊົນສ່ວນໜຶ່ງໄດ້ນຳມາວາງຂາຍຕາມທ້ອງຕະຫຼາດເພື່ອເປັນລາຍໄດ້ເສີມ.

ເອກະສານອ້າງອີງ / ການອ້າງອີງ
Ahmad Dwi Setyawan, (2009). Traditionally utilization of Selaginella; field research and literature review. Department of Biology, Faculty of Mathematic and Natural Sciences, Sebelas Maret University. Jl. Ir. Sutami 36a Surakarta 57126, Central Java, Indonesia.
Stina Weststrand and Petra Korall, (2017). A subgeneric classifi cation of Selaginella (Selaginellaceae). Manuscript received 8 April 2016; revision accepted 30 September 2016. Systematic Biology, Department of Organismal Biology, Evolutionary Biology Centre, Uppsala University, Norbyvägen 18D, SE-752 36 Uppsala, Sweden.
Suphatphong Ruthamnong, Phawinee Phojarit, Pirada Tongprasert and Pattra Kumseeha, (2020). Geographic Information System for North and Esan Indigenous Vegetables Diversity Learning: A Case Study of Tha Khun Ram and Na Bo Kham Sub District Mueang Kamphaeng Phet District. Geospatial field Faculty of Humanities and Social Sciences University Kamphaeng Phet Rajabhat University and Geospatial field Faculty of Humanities and Social Sciences Royal UniversityPhat Kamphaeng Phet.
B.S. Kholia, (2008). Botanical Survey of India. Sikkim Himalayan Regional Center, Gangtok, Sikkim, India.
Louise Neo, Alex T. K. Yee, K. Y. Chong and Hugh T. W. Tan, (2014). Flora, Vascular Plant of Upper Thomson Forest. Department of Biological Sciences, National University of Singapore 14 Science Drive 4, Singapore 117543, Republic of Singapore.
Thaweesak Bunkerd, Sahut Chanthanaraphin And Wasi Song Khwae, (2008). Pteridophyte Diversity in the Tropical Lowland Rainforest of Khao Nan National Park, Nakhon Si Thammarat Province, Thailand. Department of Botany, Faculty of Science, Chulalongkorn University, Pathumwan, Bangkok 10330, Thailand; Department of Biology, Faculty of Science, Prince of Songkla University, Songkhla 90112, Thailand and Botanical Research and Management Center, Srinakharinwirot University, Ongkharak, Nakhon Nayok 26120, Thailand.
ການປະກອບສ່ວນ