ໄມ້ໄຜ່ບ້ານ / Spiny Bamboo
APA 6th ed. ໄມ້ໄຜ່ບ້ານ / Spiny Bamboo. (2020, March 13). Retrieved from https://www.phakhaolao.la/kb/0000838
MLA 8th ed. ໄມ້ໄຜ່ບ້ານ / Spiny Bamboo. Pha Khao Lao, 13 March 2020, https://www.phakhaolao.la/kb/0000838.
Chicago 17th ed. Pha Khao Lao. 2020. "ໄມ້ໄຜ່ບ້ານ / Spiny Bamboo." Published March 13, 2020. https://www.phakhaolao.la/kb/0000838.
Arundarbor pungens (Blanco) Kuntze
Bambusa blumeana var. luzonensis Hack.
Bambusa pungens Blanco
Bambusa spinosa Blume ex Nees
Bambusa stenostachya Hack.
Bambusa teba Miq.
Ischurochloa stenostachya (Hack.) Nakai
Schizostachyum durie Rupr.
Eng: Spiny Bamboo, Thorny Bamboo, Thorny Branch Bamboo
ໄມ້ໄຜ່ບ້ານເປັນໄມ້ປ່ອງ, ເກິດເປັນສຸ່ມໜາແໜ້ນ, ມີລໍາຕົ້ນໃຫຍ່ສູງ, ມີຄວາມສູງ 20-25 ຊັງຕີແມັດ, ເນື້ອໄມ້ໜາ 6 ລິນລີແມັດ, ປ້ອງຍາວ 30 ຊັງຕີແມັດ, ຈໍານວນປ້ອງ 50 ປ້ອງ, ບໍລິເວນຂໍ້ມີກິ່ງຄ້າຍໜາມ, ກິ່ງ ແລະ ຂະແໜງໜາມແຫຼມຄົມ, ລໍາຕົ້ນມີສີຂຽວສົດ, ຜິວເປັນມັນ, ໜໍ່ມີຂະໜາດໃຫຍ່, ມີກາບສີເຫຼືອງຫໍ່ຫຸ້ມ, ຂົນຢູ່ໜໍ່ເປັນສີນໍ້າຕານ. ໃບເປັນຮູບແຖບ ຫຼື ຮູບຮີ ຢູ່ປາຍກິ່ງ, ປາຍໃບແຫຼມ, ກົກໃບເປັນຮູບລິ່ມກວ້າງໆ ຫຼື ຕັດຊື່, ໃຕ້ໃບມີສີຂຽວອົມເຫຼືອງ, ໃບສັ້ນຂອບໃບສາກ. ດອກອອກເປັນຊໍ່ມີກາບຫຸ້ມຄືຫຍ້າ, ແກ່ນມີຂະໜາດນ້ອຍຄ້າຍແກ່ນເຂົ້າສານ, ອາຍຸປະມານ 30 ປີຈະອອກດອກຄັ້ງໜຶ່ງ, ດອກບານໃນຊ່ວງເດືອນກັນຍາ-ເດືອນພະຈິກ.
ປະໂຫຍດ ແລະ ສັບພະຄຸນ:
- ດອກມີກິ່ນຫອມບານໃນຊ່ວງແລງ ເໝາະປູກປະດັບໃນສວນໃຫ້ຮົ່ມເງົາ.
- ດອກແຫ້ງມວນເປັນຍາສູບຊ່ວຍໃນການຂະຫຍາຍຫຼອດລົມ, ຮັກສາອາການຫອບຫືດ, ສູບແກ້ຣິດສີດວງດັງ.
- ເນື້ອໄມ້ມີສີເຫຼືອງນິຍົມນໍາມາເຮັດເຄື່ອງເຮືອນ, ເຄື່ອງເຟີນີເຈີ, ໃຊ້ໃນການກໍ່ສ້າງ ແລະ ເຮັດເຄື່ອງມືທາງການກະເສດ.
- ເນື້ອໄມ້ໜາ ແລະ ມີຄວາມໜຽວດີ ໃຊ້ໃນອຸດສາຫະກໍາການຜະລິດເຈ້ຍໄດ້ດີ.
- ໜໍ່ເປັນອາຫານໃນຮູບຂອງໜໍ່ໄມ້ສົດ ແລະ ໜໍ່ໄມ້ດອງ.