ສາຍບົວ / Hairy Water Lily

ເປັນພືດນໍ້າອາຍຸຫຼາຍປີ ມີເຫົ້ງາຢູ່ໃຕ້ດິນຮາກຝັກຢູ່ໃນດິນ, ກ້ານຢູ່ໃຕ້ນໍ້າ, ສ່ວນກ້ານດອກອ່ອນມີເປືອກລອກອອກໄດ້ເປັນສາຍໃຍ ຜິວກ້ຽງ ແລະ ບໍ່ມີໝາມ ຢູ່ໃນລະດັບນໍ້າເລີກ 0.3-1 ມ. ໃບດ່ຽວລຽງສະຫຼັບ, ແຜ່ນໃບມີເສັ້ນຜ່າສູນກາງ 25-30 ຊມ. ຂອບໃບຫຍັກ ແລະ ແຫຼມ, ຫູໃບເປີດ, ຜິວໃບອ່ອນວາງຢູ່ເທິງໝ້ານໍ້າ, ແຜ່ນໃບດ້ານເທິງລຽບເປັນມັນມີສີຂຽວເລື້ອມອວບນໍ້າຕານອ່ອນ ຫຼື ສີແດງເລືອດໝູ, ຜິວໃບດ້ານລຸ່ມຂອງໃບອ່ອນເປັນສີມ່ວງ, ໃບແກ່ຈະເປັນສີຂຽວ, ຜິວໃບດ້ານລຸ່ມຂອງໃບຖ້າແກ່ຈະເປັນສີນໍ້າຕານມີຂົນນຸ່ມໆ, ສ່ວນກ້ານໃບເປັນສີນໍ້າຕານອົມຂຽວອ່ອນ, ມີຮູອາກາດ. ດອກມີຢູ່ຫຼາຍສີແຕກຕ່າງກັນໄປ ເຊັ່ນ: ຊະນິດ ດອກສີຊົມພູ, ດອກຂາວ, ດອກແດງ, ດອກສິມ່ວງ ດອກສີເຫຼືອງ, ດອກສີຂຽວ ດອກມີກາບດອກ 4 ກີບ, ເປັນສີຂຽວເຫຼື້ອມນໍ້າຕານແດງ, ດອກເປັນຮູບວົງກົມ. ດອກມີກີບດອກຈໍານວນຫຼາຍລຽງຊ້ອນກັນຫຼາຍຊັ້ນ 19 ກີບ, ຮູບຫອກ ເມື່ອດອກບານເຕັມທີ່ຈະມີຄວາມກ້ວາງປະມານ 15-20 ຊມ, ດອກມີເກສອນເພດຜູ້ສີເຫຼືອງ, ມີຈໍານວນຫຼາຍ 60 ອັນ, ເປັນແຜນແປ ແລະ ເກສອນມີຄວາມຍາວປະມານ 2 ຊມ. ໝາກສົດ ແລະ ແກ່ນຈໍານວນຫຼາຍ ແກ່ນມີຂະໝາດນ້ອຍສີດໍາມີເນື້ອຫຸ້ມ ເປັນວຸ້ນໃສ.