ຂີງດຳ / Black Ginger

ເປັນພືດທີ່ມີການຈະເລີນເຕິບໂຕໃນຊ່ວງລະດູຝົນ, ດອກອອກໃນຊ່ວງເດືອນມີຖູນາເຖີງເດືອນຕຸລາ, ເຕີບໂຕໄດ້ໃນດີນເກັບທຸກປະເພດ ແຕ່ບໍ່ມັກບໍລີເວັນທີ່ເປັນຊຳນ້ຳ ຫຼື ບ່ອນທີ່ມີນ້ຳຂັງ, ໃນປ່າພົບຕາມປ່າດິບແລ້ງ, ປ່າປະສົມປ່ຽນໃບ, ໃກ້ພູເຂົາຫີນປູນ ທີ່ມີຄວາມສູງລະດັບໜ້ານ້ຳທະເລປະມານ 500 ແມັດ, ພົບທາງພາກເໜືອຂອງລາວເຊັ່ນ: ໄຊຍະບູລີ, ຫຼວງພະບາງ ແລະ ຊຽງຂວາງ, ຈັດເປັນພືດທີ່ມີການຖືກຄຸກຄາມທາງດ້ານແຫ່ງນີເວດວິທະຍາທີ່ຢູ່ອາໄສຂອງມັນຖືກລົບກວນ ແລະ ແຜ້ວຖ່າງ, ແລະ ເກັບຈຳນວນຫຼາຍເພື່ອໄປຂາຍ ແລະ ເຮັດໃຫ້ພວກມັນມີຄວາມສ່ຽງຕໍ່ການສູນພັນ, ແຕ່ໃນປະຈຸບັນໄດ້ມີການປູກຂາຍເປັນສວນທາງພາກເໜືອຂອງລາວເພາະວ່າຕົ້ນຢູ່ໃນທຳມະຊາດມີໜ້ອຍບໍ່ພຽງພໍຕໍ່ຄວາມຕ້ອງການຂອງຕະຫຼາດ ແລະ ຜູ້ບໍລີໂພກ.