ການສານຕັ່ງຫວາຍ
ພູມປັນຍາພື້ນບ້ານ ຜະລິດຕະພັນຈັກສານຕັ່ງຫວາຍ ນັ່ງສະບາຍໆ
ພູມປັນຍາທ້ອງຖິ່ນ
phakhaolao.la
ອຸປະກອນ
ອຸປະກອນທີ່ໃຊ້ສຳລັບການເຮັດຕັ່ງຫວາຍປະກອບໄປດ້ວຍ ຫວາຍ, ຝອຍທອງ, ຄ້ອນຕີນ້ອຍ, ຄີມຕັດຫວາຍ, ເຊືອກແທກ, ມີດເຫຼົາຕອກ, ພ້າ, ເຫຼັກຂູດຫວາຍ, ເຫຼັກຕະປູມີ 3 ຂະໜາດ: 1,5ຊັງຕີແມັດ, 2 ຊັງຕີແມດ, 3 ຊັງຕີແມັດ
ເລືອກຫວາຍແຕ່ລະປະເພດ
- ຫວາຍໃຫ່ຍຂົດກົງແຕະກົງຕີນ ແລະ ເຮັດຂາຕັ່ງເລືອກເສັ້ນສຳກາງຂົດກົງປາກ
- ເລືອກເສັ້ນອ່ອນພໍດີງາມແມ່ນຈັກເຮັດຫວາຍຄຽນ
- ສ່ວນເສັ້ນນ້ອຍແມ່ນເອົາໄວ້ເຮັດກົງ
ການກະກຽມ
- ເຊາະ, ລ້າງຫວາຍເອົາຝອຍຖູໃຫ້ກ້ຽງ
- ຜ່າຫວາຍຕາກແດດໃຫ້ແຫ້ງ
- ຜ່າຫວາຍຄຽນໃຫ້ໄດ້ສີ່ເສັ້ນຕາມຄວາມເໝາະສົມເອົາໄປຕາກແດດໃຫ້ແຫ້ງ
- ກ່ອນຈະເຫຼົາແຕ່ລະຄັ້ງຕ້ອງເອົາໄປແຊ່ນໍ້າກ່ອນເພື່ອໃຫ້ຫວາຍອ່ອນຈາກນັ້ນຈຶ່ງເຫຼົ່າໃຫ້ພໍດີຄຽນ
- ຕັດຫວາຍຂົດກົງປາກຍາວປະມານ 184 ຊັງຕີແມັດ
- ຂົດກົງແຕະຍາວປະມານ 170 ຊັງຕີແມດ
- ຕັດຫວາຍເຮັດຂາສູງປະມານ 20 ຊັງຕີແມັດ (ອີງຕາມຕັ່ງແຕ່ລະໜ່ວຍ)
- ບັກໃຫ້ໄດ້ 7 ຊັງຕີແມັດ
- ເຫຼົາບ່ອນບັກໃຫ້ພໍດີແອ່ນໜ້ອຍໜຶ່ງເພື່ອໃສ່ກົງປາກ
ວິທີປະກອບ
- ເອົາກົງແຕະທີ່ຄຽນໄວ້ນັ້ນມາຕອກໃສ່ແຕະ
- ຫຼັງຈາກນັ້ນກໍເອົາກົງປາກ, ກົງຕີນ, ຂາມາປະກອບເຂົ້າກັນ
- ຈາກນັ້ນຈຶ່ງເອົາຫວາຍຮອບປາກ, ຮອບແອວ, ຕອກກົງໃສ່ຕາມວ່າງຂາທີ່ເຮົາຈົ່ງໄວ້ນັ້ນເພື່ອໃຫ້ຈົບງາມ
- ເອົາຫວາຍທີ່ກຽມໄວ້ມາຄຽນປາກ, ຄຽນແອວ ແລະ ຕີນຈົນຮອບໜ່ວຍຕັ່ງ
ຂໍ້ຄວນເອົາໃຈໃສ່
ເວລານັ່ງຕ້ອງນັ່ງແບບສະບາຍ, ບໍ່ໃຫ້ວາງຕັ່ງແຮງເພາະຈະເຮັດໃຫ້ຫວາຍມາຍອອກ ແລະ ເພໄວ
ເພີ່ມເຕີມກ່ຽວກັບ ຫວາຍ