ພິທີເຊັນບົດບັນທຶກວ່າດ້ວຍການສຶກສາສໍາຫຼວດເນື້ອທີ່ດິນ 150 ເຮັກຕາ ເພື່ອປູກພືດສະໜອງວັດຖຸດິບ
ໃນວັນທີ 24 ພະຈິກ 2022 ທີ່ຜ່ານມາໄດ້ມີພິທີ ເຊັນບົດບັນທຶກຄວາມເຂົ້າໃຈ ວ່າດ້ວຍການສຶກສາສໍາຫຼວດເນື້ອທີ່ດິນ 150 ເຮັກຕາ ເພື່ອປູກພືດ, ສາລີ ແລະ ມັນຕົ້ນ ສະໜອງເປັນວັດຖຸດິບ ໃຫ້ແກ່ການຜະລິດຫົວອາຫານສັດ ຢູ່ເຂດບ້ານອຸທຸມ ເມືອງສຸຂຸມາ ແຂວງຈໍາປາສັກ ລະຫວ່າງ ອົງການປົກຄອງແຂວງຈຳປາສັກ ກັບ ບໍລິສັດ ປາລາມີ ພັດທະນາກະສິກໍາ ຂາອອກ - ຂາເຂົ້າ ຈໍາກັດ ຊຶ່ງພິທີດັ່ງກ່າວແມ່ນຈັດຂຶ້ນທີ່ໂຮງແຮມຈໍາປາສັກແກຣນ ນະຄອນປາກເຊ ໃຫ້ກຽດເຂົ້າຮ່ວມໂດຍ ທ່ານ ປອ.ວິໄລວົງ ບຸດດາຄໍາ ເຈົ້າແຂວງໆຈໍາປາສັກ, ທ່ານ ຈັນທະບູນ ສີປະເສີດ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ທ່ານ ສົມເພັດ ບຸດສະດີ ເຈົ້າເມືອງໆສຸຂຸມາ, ທ່ານ ປອ.ສົມລິດ ວິລະວົງ ຫົວໜ້າພະແນກກະສິກໍາ ແລະ ປ່າໄມ້ແຂວງ, ທ່ານ ພັດທະກອນ ສີຫາວົງ ຮອງຫົວໜ້າພະແນກແຜນການ ແລະ ການລົງທຶນແຂວງ, ທ່ານ ນາງ ປາລະມີ ປະສອນໄຊ ຜູ້ອໍານວຍບໍລິສັດ ປາລາມ ພັດທະນາກະສິກໍາ ຂາອອກ - ຂາເຂົ້າ ຈໍາກັດ ພ້ອມດ້ວຍການນໍາພະແນກການກົມກອງທີ່ກ່ຽວຂ້ອງອ້ອມຂ້າງແຂວງ, ຂະແໜງການ ແລະ ພະນັກງານວິຊາການທັງສອງຝ່າຍເຂົ້າຮ່ວມ.
ຊຶ່ງໃນພິທີດັ່ງກ່າວ ຕາງໜ້າລົງນາມໂດຍພະແນກແຜນການ ແລະ ການລົງທຶນແຂວງ ທ່ານ ພັດທະກອນ ສີຫາວົງ ຮອງຫົວໜ້າພະແນກແຜນການ ແລະ ການລົງທຶນແຂວງ, ບໍລິສັດ ປາລາມີ ພັດທະນາກະສິກໍາ ຂາອອກ - ຂາເຂົ້າ ຈໍາກັດ ລົງນາມໂດຍ ທ່ານ ນາງ ປາລະມີ ປະສອນໄຊ ຜູ້ອໍານວຍບໍລິສັດ ປາລາມີ ພັດທະນາກະສິກໍາ ຂາອອກ - ຂາເຂົ້າ ຈໍາກັດ. ຝ່າຍອົງການປົກຄອງແຂວງ ລົງນາມເປັນພະຍານ ມີທ່ານ ສົມເພັດ ບຸດສະດີ ເຈົ້າເມືອງໆສຸຂຸມາ, ທ່ານ ປອ.ສົມລິດ ວິລະວົງ ຫົວໜ້າພະແນກກະສິກໍາ ແລະ ປ່າໄມ້ແຂວງ, ຝ່າຍບໍລິສັດ ລົງນາມເປັນພະຍານມີ ທ່ານ ສຸລິໂຍ ປະສອນໄຊ ຮອງຜູ້ອໍານວຍການບໍລິສັດ ແລະ ທ່ານ ຄໍາໄໝ ໄຊຍະລາດ.
ການເຊັນບົດບັນທຶກໃນຄັ້ງນີ້ ແມ່ນຈະເລີ່ມຈັດຕັ້ງປະຕິບັດ ນັບແຕ່ມື້ເຊັນບົດບັນທຶກເປັນຕົ້ນໄປ.
ແຫຼ່ງທີ່ມາຂ່າວ: ໜັງສືພິມຈຳປາໃໝ່