ຖົ່ວລຽນເຄືອ / Thu Rian Kher

ລຳຕົ້ນເປັນເຄືອ, ເປຶອກນອກບາງ, ມີໜາມສັ້ນກະຈາຍຢູ່ທົ່ວ, ບໍລິເວນຍອດມີຂົນສີນ້ຳຕານອ່ອນນຸ້ມກະຈາຍຢ່າງໜາແໜ້ນ. ໃບດ່ຽວ, ອອກວຽນສະຫຼັບ, ຮູບໄຂ່, ຮູບຫົວໃຈ ຫຼື ຮູບຂອບຂະໜານ, ກວ້າງ 5-10 ຊມ, ຍາວ 10-15 ຊມ, ໂຄນໃບຮູບຫົວໃຈ, ຂອບລຽບ, ປາຍແຫຼມ, ແຜ່ນໃບໜາຄ້າຍຄືໜັງ, ສາກຊາ, ຜິວໃບດ້ານເທິງສີຂຽວເຂັ້ມ, ຜິວລຽບ ຫຼື ມີຂົນກະຈາຍບາງໆ, ຜິວໃບດ້ານລຸ່ມສີຂຽວອ່ອນ, ມີຂົນກະຈາຍໜາແໜ້ນ, ໃບອ່ອນສີນ້ຳຕານ ຫຼື ສີແດງ. ກ້ານໃບຮູບກົມ, ຍາວ 10-18 ຊມ. ຊໍ່ດອກແບບດິ້ວຄັນຮົ່ມ, ອອກຕາມງ່າມໃບ ຫຼື ງ່າມໃບໃກ້ກັບປາຍກິ່ງ. ດອກຍ່ອຍເປັນດອກແຍກເພດໃນຕົ້ນດຽວກັນ, ມີຈຳນວນຫຼາຍ, ຂະໜາດນ້ອຍ. ໝາກແຫ້ງ, ຮູບກົມ, ມີຂະໜາດເສັ້ນຜ່າສູນກາງປະມານ 2-3 ຊມ, ເປືອກມີໜາມແຫຼມຍາວກະຈາຍຢ່າງໜາແໜ້ນ, ໝາກແກ່ແລ້ວແຕກອອກເປັນ 5 ແສກ. ແກ່ນມີ 5 ແກ່ນ, ມີປີກ.