ໝາກເກືອ / Ebony tree

ຕົ້ນໝາກເກືອ ເປັນຕົ້ນໄມ້ບໍ່ຫຼົ່ນໃບ, ສູງເຖິງ 15 ມ ແລະ ມີໜ້າຕ້າງ ເຖິງ 15 ຊມ (ຂະໜາດທີ່ພົບເຫັນທົ່ວໄປໃນປະຈຸບັນ-ບໍ່ແມ່ນຂະໜາດໂດຍທຳມະຊາດ). ເປືອກຂ້ອນຂ້າງໜາ, ຫຍາບ ແລະແຕກເປັນຮ່ອງ, ສີດຳໝົ່ນ. ເປືອກຊັ້ນໃນ ສີເຫຼືອງ ແລະ ໃຈໄມ້ເປັນສີດຳ. ກິ່ງງ່າ ເປັນສີໝົ່ນ ແລະ ມີຂົນ. ໃບບາງ, ມີຂະໜາດ 4-8 x 1.5-4 ຊມ, ມີຂົນທັງສອງດ້ານ ແລະເມື່ອແຫ້ງ ກາຍເປັນສີດຳ. ຊໍ່ດອກ ຍາວປະມານ 1 ຊມ, ເປັນປູດ ຮູບຮ່າງບິດບ້ຽວ ແລະ ມີດອກສີເຫຼືອງມ້ານ ມີຂົນ ແລະ ຫອມ ສີ່ດອກ. ໝາກຂ້ອນຂ້າງມົນ ມີຂະໜາດ 1.4-2.2 ຊມ, ມີກາບດອກຕິດເປັນຂວັ້ນ. ໝາກດິບ ເປັນສີຂຽວ-ເຫຼືອງ ແຕ່ເມື່ອສຸກແລ້ວ ຈະກາຍເປັນສີດຳແລະ ແຫ້ງກະດ້າງເຂົ້າ.